Χριστός Ανέστη!

Αναστάσεως ημέρα και λαμπρυνθώμεν τη πανηγύρει και αλλήλους περιπτυξώμεθα! Είπωμεν αδελφοί και τοις μισούσιν ημάς! Συγχωρήσωμεν πάντα τη Αναστάσει, και ούτω βοήσωμεν! Χριστός ανέστη εκ νεκρών θανάτω θάνατον πατήσας και τοις εν τοις μνήμασι ζωήν χαρισάμενος! Αναστήτω ο Θεός και διασκορπισθήσονται οι εχθροί αυτού, και φυγέτωσαν από προσώπου αυτού οι μισούντες αυτόν! Νυν πάντα πεπλήρωται φωτός, ουρανός τε και γη και τα καταχθόνια. Εορταζέτω γουν πάσα κτίσις την έγερσιν Χριστού εν ή εστερέωται! Φωτίζου, φωτίζου η νέα Ιερουσαλήμ, η γαρ δόξα Κυρίου επί σε ανέτειλε. Χόρευε και αγάλλου Σιών! Επικράνθη ο Άδης και γαρ κατηργήθη! Ανέστη Χριστός και πεπτώκασι δαίμονες! Ανέστη Χριστός και χαίρονται άγγελοι! Ανέστη Χριστός και νεκρός ουδείς εν τω μνήματι! Πάσχα ιερόν ημίν σήμερον αναδέδεικται! Πάσχα καινόν, άγιον! Πάσχα μυστικόν! Πάσχα πανσεβάσμιον! Πάσχα Χριστός ο λυτρωτής! Πάσχα άμωμον! Πάσχα μέγα! Πάσχα το πύλας ημίν του Παραδείσου ανοίξαν! Πάσχα αγιάζον πιστούς! Αναστάσεως ημέρα λαμπρυνθώμεν λαοί, Πάσχα, Κυρίου Πάσχα!